رحلة زوز بنات على بسكلات في تونس

كي تكون طفلة في تونس، قبل ماتخرج والا قبل ماتختار شنوا بش تلبس، تبقى تخمم ألف مرة، على القلق اللي ينجم يصيرلك و الكلام اللي تنجم تسمعه في الشارع، خلي كي تخمم بش تخرجوا بنات وحدكم في رحلة و خاصة كي تكون على بسكلات

زوز بنيات من تونس اسمهم صفاء هملاوي و ميساء ساندلي قرروا انهم بش يبدلوا الفكرة هذه و يتحدوا كل شيء و يخرجوا في رحلة على بسكلاتات يدوروا بيهم الجنوب الكل، و يثبتوا للناس اللي التوانسة باهيين و نجموا نعطوا فيهم ثقتنا و عيونا مسكرة و اللي التوانسة ماهمش اشرار بش اول ماتخرج للشارع ياكلوك

خرجوا و شدوا الثنية من قابس لمطماطة القديمة، قصر غيلان، بير سلطان و زمور. في كل بلاصة يمشولها يزيدوا يتأكدوا اللي تونس ممكن موش احسن و ازين بلاد في العالم كيفما قالوا هوما، اما ناسها من احلى الناس و هما اللي مزينينها. لبسوا الحولي و تصوروا مع الحيوط القديمة اللي فيها مخبية الف حكاية

 

صفاء و ميساء خرجوا و امنوا برواحهم،  بتونس و شعبها و حبوا يقولوا لكل بنية تونسية تحب تخرج و تسافر و قالت لروحها اللي هي ماتنجمش، اللي هي تنجم و مافما شيء يخوف. كيما نجحوا هما، تنجم اي طفلة تنجح و تخرج تعيش حياتها، مافما شي صعيب و في الاخر نقولولكم نساء بلادي نساء و نصف

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *